She’s Nessy and this is her heartbreaking story

Sa kasalukuyan ay nagtatrabaho na siya sa isang sikat na Retail Company.  She always believe in love. Kahit pa na ilang beses na siyang binibigo nito.

First was when she’s in College.

Minahal niya si Cyrus since he is her first boyfriend. Cyrus let her believe that everything is possible in the name of love. Dahil sa may reputasyon itong playboy ay ayaw ng mga kaibigan niya dito para sa kanya. Pero nagbingi bingihan siya at mas pinanaig ang puso niya.

“Wag kang maniwala sa kanila, Nessy. Ikaw lang talaga ang mahal ko. Pangako yan.” Paulit ulit nitong sabi sa kanya and she truly believes in him.

“Oo sige, maniniwala ako sa’yo pero sana patunayan mo lahat ng sinasabi mo.” Sagot naman niya dito.

“Oo naman. Promise ko sa’yo, ikaw lang talaga.”

She lives her life everyday believing that Cyrus is the one meant for her.

Until one day…

“Ness, maniwala ka. Magkakaanak na si Cyrus. Buntis si Lina, siya ang tatay.” Imporma ni Niko sa kanya. Kaibigan niya ito at nagkataong kapitbahay naman ni Cyrus.

“Hindi ako naniniwala sa’yo! Sinungaling ka, Niko! Hindi magagawa sa akin ni Cyrus yan. Matagal na silang hiwalay ni Lina.” Si Cyrus lang ang paniniwalaan niya. Wala ng iba. Kahit pa na ang matalik niyang kaibigan ang nagsasabi nito ay wala siyang balak na paniwalaan ito.

“Halika! Pumunta tayo ngayon din sa bahay nila! Makikita mo ang dapat mong makita.” Halos hilahin na siya ni Niko papunta sa bahay nila Cyrus.

She then found out na hindi nga nagsisinungaling ang kaibigan niya. Malaki na ang tiyan ni Lina at dito na nga ito nakatira sa bahay nila Cyrus. In short, nagsasama na ang dalawa.

She ran out at hinabol siya ni Cyrus.

“Nessy, saglit lang!” Pinigilan siya nito.

“Ginawa mo akong tanga, Cy! Pwede mo namang sabihin sa akin eh!” Umiiyak na siya.

“Sorry. Sasabihin ko naman na sana. Tyumityempo lang ako.”

“Bullshit ka! Kelan mo pa balak sabihin sa akin? Kapag malaki na yang anak mo?” Sigaw niya kay Cyrus habang umiiyak siya.

“Nessy, sorry talaga.”

“Sa’yo na yang sorry mo! Hindi ko matatanggap yan!” Umalis na siya sa lugar na iyon.

Akala niya ay mahihirapan siyang mag-move on mula sa pagkakabigo sa una niyang pag-ibig. But she was wrong.  After graduation, ay nag-focus muna siya sa paghahanap ng trabaho. And then eventually ay natanggap naman siya sa isang maayos na kumpanya. Sa ngayon nga ay promoted na siya.

Ang huli niyang balita sa ex-boyfriend ay may dalawa na itong anak at medyo hirap sa buhay dahil nga sa hindi ito nakatapos ng pag-aaral.  Pati si Lina ay hindi rin nakagraduate at hindi na rin nakabalik pa sa eskwelahan.

At least kahit papaano, hindi man si Cyrus ang nakatuluyan niya ay naging maayos naman ang buhay niya. Paano nalang kung siya ngayon ang nasa lugar ni Lina? Edi naghihirap siya ngayon sa paghahanap ng trabaho para lang may makain ang mga anak nila.

In every bad thing that happens, well at least there’s still a brighter side of it.

END