Sa Tamang Panahon (Dalawang Tula)

Nang dahil sa #aldub 

Geh. 

"Sa Tamang Panahon" 

(Siya) 

Kailan nga ba makakamtan 
Ang oras na pinaka-aasam? 
Ikaw at ako'y magiging tayo 
Pag-ibig mo ay magiging ako.


 O, mahal ko kailan nga kaya 
Makakapiling ka sa tuwi-tuwina, 
Sana nga ay nalalapit na
Ang araw na ikaw ay akin na. 


Iyo sana laging pakatatandaan 
Na ikaw lamang ang nilalaman
 Ng puso kong nasasabik
 Sa iyong mga yakap at halik


 Patuloy na hihilingin sa Maykapal
 Ang tamang panahon, o aking mahal 
Ramdam kong ito ay malapit na 
Ikaw ay akin nang makakasama.


 Ang mahalin ka'y magpakailanman 
Pangako ko'y hindi ito titigilan
Maghihintay sa pagdating ng tamang pagkakataon, 
Ikaw at ako lamang sa habang panahon. 





(Ako) 

Maraming salamat sa alay mong pag-ibig 
At sa'yong pagdating sa aking daigdig,
Ang dating madilim na kulay nito ay nag-iba. 
Naging makulay at napuno ng ligaya. 


Ako nga ay tuluyan nang aamin 
Sa tunay na nilalaman ng damdamin. 
Sadyang ikaw lamang ang nandirito
 Sa puso kong itinitibok ang pangalan mo. 

Noong una pa lamang kitang nasilayan
 Loob ko'y agad ng labis na nasiyahan.
 Sa ngiti mo pa lang ay hulog na hulog na 
Ang aba kong puso ay naging pag-aari mo na. 

Sana ay ipagkaloob na ng Diyos Ama, 
 Ang tadhana nating dalawa.
 Masabi ko na sana sa'yo ng harapan
 Na mahal na mahal kita, ikaw lamang. 


Tamang panahon ating hintayin
 Labis na naniniwalang ito ay darating din 
Ating mga puso ay magiging isa
Dasal at tiwala lamang, oh aking sinta. 


#SaTamangPanahon