Ang Hindi Ko Hinanap

Disclaimer: 

Hindi akin ang tulang ito at wala rin naman akong balak angkinin kahit pa nga na sabihin nating ginawa niya raw ito para sa akin.

Abala ako kanina habang tumitingin sa mga luma kong word files at nakita ko ito kaya naalala ko siya. 

Maraming salamat! 

~Cie

Ang Hindi ko Hinanap

Isinulat ni: JB

 

May mga tao na

Sadyang pinagtagpo

Parang pelikula,

Pang-FAMAS ang kwento.

 

Sa mga lugar na

‘di mo inakala,

Sa mga oras na

hindi sinasadya.

 

Aamin na ako.

‘di kita hinanap.

Pinagkita tayo.

Tadhana’y sumulyap.

 

Simula ng araw

Na mangyari iyon,

Nasabi ko na lang,

“tinamaan ako”.

 

Akalain mo ba?

Tagos sa damdamin,

Ang ngiti at sayang

Dulot mo sa akin.

 

Isa kang biyaya

Na ‘di inasahan,

Kaya habambuhay

Pakaiingatan.

 

November 30, 2015

 - It's been a year. 😊