Ulan at Tahanan

Dear Future Love,

Heto na naman ako. Kumakain mag-isa sa labas. 

Tapos sinabayan pa ng ulan na sobrang lakas.

Haay, ang sarap na naman mag-senti at isipin ka. 

So, kelan ka nga dadating? Kelan ba talaga? 

Sa tuwing kumakain ako mag-isa at nagmumuni-muni. 

Ang nasa puso at isip ko ay ikaw lagi. 

Iniipon ko lahat ng litrato na mag-isa lang ako. 

Kasi sa susunod, ipapakita ko iyon sa'yo. 

At sa susunod ay magkasama na tayo.

Marami na akong nasulatan na likod ng mga resibo.

Habang ang nasa isip ay ikaw na kapiling ko.

Hintay-hintay lang pasasaan ba't malapit na.

Sa wakas, finally ay makakasama na rin kita. 

Tyagaan lang talaga at iniisip na lamang

Na baka na na-delay ka sa customs o baka na-traffic ka lang.

Kasabay ng paghihintay ko na tumigil na sana ang ulan

Sa susunod ay uuwi na ako sa ating "tahanan".

I love you, Orange Man. 

CieloAmethyst

Aug.17,2016