Disclaimer ulit: I need to write this poem para i-absorb ng buong diwa ko ang karakter ng bidang babae na isinusulat ko ngayon.
'Yon lang! 😄
~~~~~~~~~~~~~~~~~~~
Isinulat ni: CieloAmethyst
Dec.5,2016
May mga tao na sadyang pinagtagpo
Para lamang dumating sa puntong magkakalayo
Akala mo pang-Koreanobela ang kwento
Iyon pala ay pang Flash Fiction lang ang pagkakabuo.
Sinadya ang tadhana na hanapin ka
Kausapin, kilalanin at gawing mahalaga
Sa buhay ko ay isinali ang isang taong tulad mo
Pero mali yata ang naging desisyon ko.
Umasa pa ang gaga na ikaw na talaga
Ang para sa akin na siyang itinakda
Pero mali pala ako ng sapantaha
Katulad ka rin ng iba, di ko inakala
Sinubukan kang papasukin sa damdamin
Kalaunan ay tinanggap at minahal nang lihim
Naging tanga na naman pala
Nagkamali na naman kasi ng inakala!
Pero natuto na at hindi na aasa pa
Na mayroong happy ending ang kwento nating dalawa
Mananatili na lamang na kasaysayan at alaala
Ang lahat ng nasa pagitan nating dalawa.
~Cie,2016
No comments:
Post a Comment