Sa Aking Pag-iisa

Habang ako’y nag-iisa sa mga sandaling ito

Kapiling lamang ang musika, papel at pansulat

Okupado ng isang tao ang isip ko

Na siyang nilalaman ng puso ko.

Kung nasaan ka man ngayon o, mahal ko

Alay para sa’yo ang sulating ito

Salamat sa inspirasyon at mga ala-ala

Masaya man o malungkot na ikaw ang kasama.

Sa pagtugtog ng musika, boses mo yata

Ang tumatagos sa aking mga tenga.

Bawat kanta’y tila laan para sa’yo

Ikaw na siyang tanging buhay pag-ibig ko.

Sa mga sandaling tulad nito

Hindi mapigilan ang mga sarili ko

Sumulat ng tulang laan para sa’yo

Para ilarawan…..

Ang  walang katapusang pagmamahal ko.