Nasaan na Kayo?

Sa mga kaibigan ko nung kolehiyo

Nasaan na nga ba kayo?

Nang matapos ang mga araw natin ng pagsisikap,

Pati ba pagkakaibigan natin ay natapos na rin?

Sa oras ng klase, tayo ay magkakatabi

Pati sa mga tambayan ay magkakasama

Sa lahat ng kwento, tayo ang saksi

Sa mga problema, nakadepende sa isa’t isa.

Ang apat na taon ko sa kolehiyo

Ay naging makulay dahil sa inyo

Nakahanap ng mga kapatid sa ibang ina

Salamat ng marami aking tropa.

Ngayon nga ay nagkanya kanya na

Tinatahak ang iba’t ibang karera

Sa tuwing ako ay nag-iisa

Humihiling sana kayo ay makasama.

Nasaan na kayo mga kaibigan ko?

Wala na ba talagang oras para sa isang tulad ko?

O sadyang nagkalimutan na ng tuluyan?

Lagi niyo na lamang tatandaan…..

Nasaan man kayo ngayon

Magbago man ang panahon

Sana’y malaman niyo

Kaibigan pa rin ako

At mahal na mahal ko kayo….